Jounalis kap travay nan 2 douzèn jounal toupatou Ozetazini ap fè grèv pou mande yon fen nan mezi responsab yo ap pran pou ekonomize lajan epi yon chanjman nan lidèship Gannett, ki se pi gwo rezo jounal Ozetazini.
Grèv la, ki dire yon jou Lendi, te kowenside ak rankont anyèl moun ki gen aksyon nan konpayi an, kote yo te eli yon komisyon pou jere konpayi an - malgre sendika NewsGuild-CWA te ankouraje patisipan yo pou yo pa vote pou PDG a, ni direktè komite a Mike Reed. Yo te di se yon bon fason pou montre yo pa gen konfyans nan lidèship moun sa yo.
Pami jounalis ki te patisipe nan grèv la nou jwen sa kap travay pou jounal Arizona Republic, Austin American-Statesman, Bergen Record, Rochester Democrat & Chronicle, epi Palm Beach Post.
Gannett deklare kouvèti nouvèl yo pap kanpe pandan grèv la.
