Prezidan Jovenel Moise mouri asasinen nan gran maten 7 Jiyè lakay li nan Pelerin 5. Madanm ni, te blese grav nan atak la e li te oblije al pran swen nan yon lopital Miami.
Lajistis an Ayiti, ap travay sou dosye asasina a. Otorite yo arete plizyè etranje ak Ayisyen jou 7 Jiyè, epi gen plizyè lot sispèk ke y ap chèche toupatou. Se pou rezon sa a DCPJ (Direksyon Santral Polis Jidisye) deside mete yon alèt wouj sou sispè sa yo nan Interpol.
Pami sispèk ke Interpol tap chèche yo, yo te rive arete kek nan yo nan peyi etranje. Mario Antonio Palacios Palacios se yon kolonbyen ke otorite nan peyi Jamayik te arete e mete nan prizon pou wol li ta jwe nan asasina Prezidan Moise la, gen anpil efò diplomatik ki ap fèt pou yo aksepte transfere li ann Ayiti.
Avek on lot avi rechèch Interpòl, yo te rive mete anba kod sitwayen Ayisyen Samir Handal youn nan sipè otorite nan peyi d'Ayiti tap chèche. Otorite Latiki arete li nan ayewopò entènasyonal Istanboul la nan moman li t ap fè yon eskal ant Etazini ak Lajòdani.