Otorite Ikrenyen yo di yon oligak Ikrenyen ki rele Viktor Medvedchuk, ki se ansyen lidè yon pati opozisyon pwo-Ris ak yon asosye pwoch lidè Ris la Vladimir Putin, anba kod apre yon operasyon espesyal sèvis sekrè peyi a, SBU lanse.
Ivan Bakanov, direkte ajans sekirite nasyonal Ikrenyen an di sou chanèl Telegram ajans la ke Medvedchuk anba kod. Deklarasyon an vini yon ti tan apre Prezidan Volodymyr Zelenskyy te pibliye yon foto Medvedchuk sou rezo sosyal yo, ki montre misye ak menot nan men ni, epi yon inifom kamouflaj ki gen yon drapo Ikrenyen sou li.
Medvedchuk se ansyen lidè pati pwo-Ris ki rele Platfom Opozisyon Pou Lavi. Yo te kenbe li an rezidans siveye anvan lagè a te komanse epi misye te vinn disparèt apre envazyon an te komanse.
Putin se parenn pitit fi kadè Medvedchuk la.
