PÒTOPRENS —
Anpil sektè kontinye leve lavwa pou mande jistis pou Pè Joseph Simoly ki te tonbe anba bal bandi nan dat 21 desanm 2017 pase a. Legliz Katolik soti yon kominike pou kondane manifestasyon ki fèt pandan fineray Pè Simoly a ---yon pozisyon ki jwenn tou apwobasyon fanmi defen an.
Pandanstan, yon sous pwoch Polis Nasyonal fè konnen ankèt la ap kontinye apre yo finn fè 4 arestasyon, sezi moto bandi yo te itilize pou fè krim nan.
Kounye a DCPJ (Direksyon Santral Polis Jidisyè a) ap avanse nan ankèt la kote yap gade si bal yo, yo retire nan kadav la gen rapò ak 9 milimèt lapolis sezi a. Fanmi Pè Simoly leve lavwa pou di se asasine yon asasine lidè katolik la.