SAN DIEGO —
Fòs Naval Etazuni batize nouvo bato li pou Harvey Milk, yon militan ki dap travay pou dwa omoseksyèl yo nan Kalifoni e ki mouri asasinen.
Bato USNS Harvey Milk la espesyalize nan re-founisay petwòl, e yo te glise'l desann nan pò San Diego a jodi Samdi a kote se ak yon boutèy chanpay ke yo kraze sou nen li ke yo batize'l.
Milk te sève kòm matlo nan fos Naval Etazuni anvan yo te fòse li kite sèvis militè a akoz seksyalite'l.
Pi ta li te tounen premye kandida ki admèt li se yon omoseksyèl pandan li tap mennen kanpay pou yon pòs piblik. Misye te manm Komite Sipèvizè vil San Francisco a an 1978 lè yon ansyen kolèg politik li, ki rele Dan White, te asasinen'l ansanm ak Majistra George Moscone, nan Otèl de Ville la.
