Yon jij federal bloke administrasyon Prezidan Donald Trump nan demach ki te vize diskalifye yon gwo kantite moun ki soti nan rejyon amerik santral la, e kap eseye jwenn azil isit Ozetazini apati fwontyè peyi a pataje ak Meksik.
Jij Jon Tigar, ki nan eta Kalifòni, site nan vèdilk li emèt mèkredi 24 jiyè 2019 la divès enkyetid konsènan règleman imigrasyon branch egzekitif Etazini an ak fason yo te pibliye li a.
Jij Tigar presize règlman Lamezon Blanch la pa founi ase pwoteksyon, jan Kongrè a egzije li a, kòmkwa nenpòt moun kap mande azil Ozetazini, e ke otorite ameriken ta voye nan yon lòt peyi tankou Meksik pa egzanp pral viv an sekirite nan peyi sa a, epi yo tap jwenn aksè ak yon posesis demand azil ki pa gen fòs kote.
