WASHINGTON —
Prezidan Joe Biden gen entansyon egzije pou tout vwayajè esansyèl kap travèse frontyè Etazini yo, tankou pa egzanp chofè kamyon, polisye, ponpye, anplwaye medikal, pou yo pwouve yo vaksinen konplètman kont COVID-19 apati 22 Janvye.
Yon wo responsab administrasyon an di demann sa a pral mete règ pou vwayajè esansyèl yo nan menm nivo ak règleman ki te antre ann aplikasyon pou touris yo pi bonè mwa sa a, lè Etazini te louvri frontyè li pou touris ki konplètman vaksinen kont kowonaviris la.
Travayè esansyèl kap antre Etazini sou bato pral oblije vaksinen konplètman tou, menm dat la. Responsab ki bay Associated Press enfomasyon sa a pale avè'l sou kondisyon yo pa site non ni.
