Manm dyaspora ayisyèn nan Ozetazini e menm ayisyen ki nan peyi lakay gen bon jan rezon pou yo afiche fyète yo aprè viktwa kèk ameriken dorijin ayisyèn ranpòte nan eleksyon minisipal ak lòt ki dewoule nan 2 gwo vil amerikèn: New York ak Boston.
Nan New York, Rita Joseph ranpòte plas manm komisyon kominal nan 40èm sikonskripsyon an (Brooklyn). Mercedes Narcisse, li-menm, ranpòte laviktwa apre l te mennen kanpay pou yon plas manm nan menm komisyon kominal la kòm reprezantan 46èm sikonskripsyon an, toujou nan Brooklyn. Anfen Cassandra Johnson ranpote eleksyon yon pòs jij nan 4èm sikonskripsyon an, swa nan vil Queens.
Kantapou Boston, ayisyano-amerikèn Ruthzee Louis-Jeune ranpòte laviktwa pou l okipe plas manm konsèy kominal gwo vil sa a.
Pou detay sou viktwa sa yo, nou pwopoze w suiv 2 repòtaj: yon premye avèk Valerio Saint-Louis pou New York, epi yon 2èm avèòk Erlich Dorelas pou Boston.
