Larisi reklame pou Etazini remèt li 2 bitasyon ke sèvis ransèyman ameriken yo te fèmen, apre yo te konkli ke Moskou te mele nan eleksyon prezidansyèl 2016 yo nan peyi Etazini.
Minis afè etranjè ris la, Sergei Lavrov, kalifye desizyon pou fèmen bitasyon yo nan Nouyòk e nan Maryland kòm yon "vol ki fèt gwo lajounen."
Barack Obama, prezidan ameriken nan epòk la te fèmen bitasyon yo epi mete deyò nan peyi a 35 diplomat ke l te akize pou espyonaj nan mwa desanm ane pase a kòm repons pou sa l rele aksyon Larisi nan eleksyon an, yon akizasyon ke Moskou kontinye rejte.