Los Angeles —
Dè milye travayè otèl nan Sid Kalifòni vire do yo pati kite djòb yo Dimanch, pou mande ogmantasyon salè ak pi bon benefis. Sendika a di se pi gwo grèv yo janm fè nan listwa.
Kuizinye, bon, moun ki lave vesèl, sèvè, moun ki pote malèt epi ajan ki resevwa envite yo plante pikèt yo devan gran otèl yo nan Los Angeles ak awondisman Orange.
Manm Sendika travayè Unite Here Local 11 vote a 96% an favè grèv la.
Sendika a ap mande pi bon salè, pi bon benefis swen sante, pi gwo kontribisyon pansyon ak yon reduksyon nan travay la.
Yon kowlisyon otèl akize lidè sendika yo dèske yo anile reyinyon ki te pwograme pou diskite sou demann yo epi dèske yo derefize vinn negosye ak yo.
