Dola Ameriken an tèlman ap pran valè ke li preske egal ego ak ewo a pou premye fwa depi 20 an. Men tandans sa a pa bon pou konpayi Ameriken yo paske sa lakoz pwodwi yo vin pi chè pou konsomatè etranje yo.
Si pwodwi ekspotasyon Ameriken yo febli kòm rezilta,sa pral febli tou, ekonomi Etazini an ki deja ap ralanti.
Men gen yon kote pozitif pou Ameriken tou: lè dola a pran fòs, sa ba yo yon ti soulajman ak enflasyon an paske pwodwi peyi a enpote tankou - machin, odinatè, jwèt ak ekipman medikal - vinn koute mwen chè.
Yon dola ki pi fò dispoze tou kèk bon opòtinite acha pou touris Ameriken kap vwayaje ann Ewòp.
