Jedi 2 desanm-nan, 2 depite nan kongrè Etazini-an, Maria Elvira Salazar, Repibliken eta Florid ak tokay democrat Frederica Wilson ki reprezante menm eta a entwodwi nan chanm bass Ameriken-an yon ekstansyon pou lwa ki vize bay ekonomi peyi Dayiti yon bourad, kidonk lwa sa ki an angle "Haiti Economic Lift Program, HELP". Objektif mezi sa, se kenbe pou 10 zan ankor plizye avantaj Ayiti benefisye nan boukantay komesyal lap fe ak Etazini, yon fason pou founi yon sous travay enpòtan pou Ayiti nan sekte endistri tekstil-la. Depite repibliken eta Florid Maria Elvira Salazar ap di pou klsa li pase alaksyon nan sans sa-a.
“ Pou ane 2021-an Selman, pep ayisyen-an sibi yon tranblemn de te ki pwovoke gwo devastasyon nan peyi-a, yon fe fas ak asasina prezidan yo-a, nan moman aktivite gang yo ap miltipliye tribor-babor, mete ak yon kriz ekonomik kap vinn pi grav de jou-an-jou.
San di petet, pwolongasyon Lwa avantaj ekonomik pou Ayiti-a pral permet ayisyen yo amelyore kondisyon lavi yo e rebati peyi yo-a, paske genyen 60 mil ouvriye nan sektekstil-la pral continue jwi avantaj yon echanj komesyal san oken obstak akEtazini. Antanke youn nan alye pi pwoch nou genyen nan emisfe oksidantal, obligasyon nou, se asire byen-et vwazen ayisyen nou yo. Se pou rezon sa-a ke mwen fyer pou’m entwodui powpozisyon lwa sa-a.”
Sou borpa li , depite demokrat eta Florid Frederica Wilson te di 2 mo sou pwogram-nan tou
“Mwen ekstrem-nman fyer deske mwen enplike tou nan pwolongasyon lwa redresman ekonomik Ayiti ki pral bay endistri fabrikasyon abiman-an plis jaret, yon fason pou kreye stabilite ekonomik nan peyi-a, yon bagay tout nasyon-an bezwen prese-pres tankou te sech kap tan lapli, paske Ayiti ap viv anba yon gwo ensekirite ki alafwa ekonomi e politik.
Sou bò pa yo, 2 senate repibliken te paret ak yon mezi pou akonpaye demach chan de reprezantan Etazini-an nan sans sa se senate Marco Rubio eta Florid, ak senate Bill Cassidy. Senate Marcco Rubio di :
“Mezi sa-a, ki jwen apui palmate repibliken kou democrat, pral ranforse ekonomi ayisyen-nan e anmentan nan avantaj Etazini ki depann kounye-a de travo forse kap fet nan Lachin.
Senate Bill Cassidy, eta Lwizyan espere la Help-la pral detounen egzod migran ayisyen kap pran chemen Etazini.
Dapre palmante ameriken yo, pwoje-lwa sou pwolongasyon mezi Help-la pral kreye yon fondasyon ekonomik stab, ki se yon demach enportan pou anpeche gang kriminel rekrite jen ayisyen, gang kriminel kap pwofite de enstabilite politik Ayiti ap traverse kounye-a.
Facebook Forum