Kanada Mande pou INTERPOL Sispann La Risi Kòm Manm Oganizasyon an
TORONTO (AP) - Kanada mande pou INTERPOL sispann La Risi kòm manm òganizasyon an.
Premye Minis Kanadyen an Justin Trudeau deklare kowoperasyon nan domèn dwa entènasyonal depann sou respè youn pou lòt pami manm yo. Angletè ap chache sispann La Risi nan gwoup la tou.
Minis Defans Anita Anand deklare Kanada vle voye plis zam bay Ikrèn. Anand di Kanada ap voye 4,5 lans misil, ak 7,500 grenad.
Depatman Defans Etazini Tabli yon 'Chanel Kominikasyon Direk' ak La Risi
WASHINGTON (AP) - Pantagon tabli yon chanèl kominikasyon dirèk ak ministè defans Ris la pou evite yon konfli enprevi pa rapo ak lagè Ikrèn nan.
Yon responsab depatman defans Etazini di "liy - dekonfliksyon an" te tabli 1 Mas "pou anpeche move kalkil, ensidan militè ak eskalasyon." Responsab la pale sou kondisyon pou yo pa site non li.
Zelenskyy Kritike LOTAN Poutet li Pa Vle Enpoze yon Zon Entediksyon Vol Avyon sou Ikren
KYEV (AP) - Nan yon diskou anmè ak emosyonèl, Prezidan Ikrenyen an Volodymyr Zelenskyy kritike LOTAN dèske li refize enpoze yon zon entèdiksyon pou avyon sou Ikrèn. Misye di sa pral kite La Risi lib pou fè sa li pi pito nan moman lap ogmante atak li ak avyon.
"Tout moun ki vle mouri, depi jodia pral mouri akoz oumenm, akoz febles ou, akoz mank inite'w," prezidan an deklare nan yon diskou aswè a. "Alyans la bay fe vèt pou bonbadman vil Ikrenyen ak vilaj yo paske li refize enpoze yon zon entèdiksyon pou avyon yo."
Vandredi, LOTAN te refize enpoze entèdiksyon sa a paske li di si'l fè sa ta taka pwovoke yon gwo lagè ann Ewop nan moman kote La RIsi gen zam nikleyè nan men ni.