(REUTERS) Gwo konpayi kafe Starbucks f è konnen Madi lap sispann tout aktivite kom èsyal li nan La Risi, pami yo livrezon pwodwi li yo ak franchiz kafe li yo nan peyi a.
WASHINGTON (REUTERS) - Desizyon Poloy pran pou'l mete tout djet MIG-29 li yo a la dispozisyon Letazini se se pa yon desizyon ki pran apre konsiltasyon ak Etazini, Depatman D'Eta fe konnen. Sou-sekrete d'Eta Victoria Nuland deklare Madi administasyon an te diskite sou yon deman pi laj pou avyon Polone yo.
"Dapre sa mwen konnen, pat gen okenn konsiltasyon davans deske yo te gen entansyon banou avyon sa yo," li di pandan yon rankont ak Komite Sena a kap travay sou Zafe Etranje. "Mwen atann mwen aske apre rankont sa a fini, map tounen nan biwo'm pou'm gade kijan nou pral reponn ak sa yo pwopoze a pou yo banou avyon yo," Madan Nuland deklare.
(REUTERS) Coca-Cola anonse Madi lap sispann biznis li nan La Risi apre envazyon Moskou fe nan Ikrèn nan.
NASYONZINI (AP) - Nasyonzini paka reponn bezwen dè milye sivil ki bloke nan konfli Ikrèn nan jodia e lap mande sof pasaj pou moun sa yo ka ale nempot ki kote yo chwazi ak pou pwovizyon imanitè yo rive nan zon kote ki gen ostilite yo, dapre responsab asistans imanitè LONU.
Martin Griffiths, Sou-sekretè Jeneral la deklare pandan yon rankont Konsèy Sekirite LONU an Lendi ke biwo li voye yon ekip nan Moskou pou kowodone ak lame Ris la pou eseye ogmante asistans imanitè a nan nivo ki nesesè a. Li di li pran mezi sa a apre yon konvèsasyon nan telefon Sekretè Jeneral Nasyonzini an Antonio Guterres te genyen ak Minis Defans Ris la, Sergei Shoigu.
Premye rankont LONU fe ak La Risi a te akeyi kowoperasyon 2 pati yo, epi eksprime espwa dèske yap kapab fe plis pwogrè toujou nan hè kap vini yo.