WASHINGTON, DC —
Yon chyen ki te pèdi 2 pye devan l yo nan yon atak fewòs resevwa 2 fo pye, sa ki pèmèt li repran yon lavi plizoumwen nòmal. Fo pye sa yo fèt ak menm materyèl ki sèvi pou fè fo pye pou atlèt ki te pèdi pye yo. Non chyen sa a se "Cola".
Yon vwazen mèt chyen te vide kout epe sou li poutèt annimal la te devore yon pè soulye. Sa te pase nan peyi Taylann. Sò "Cola" ta pral chanje aprè John Dalley ak defen madanm li, Gill, te adopte li epi yo te mennen li nan yon sant charite ki ofri refij pou bèt e ki sitiye nan vil Phuket. Non sant sa a se Fondasyon Soi Dog.