Ansyen Prezidan Brezilyen Jair Bolsonaro deklare Samdi li gen entansyon retounen Brezil "nan semèn kap vini yo."
Li fè komantè a pandan yon evenman Samdi nan yon legliz evanjelik nan eta Florid. Se premye fwa Bolsonaro fè yon deklarasyon an piblik sou retou li nan Brezil.
Politisyen zèl dwat la ap viv Ozetazini depi 31 Desanm, lavèy envestiti rival gochis li, Luiz Inacio Lula da Silva, ki se nouvo prezidan Brezil.
Bwi ap kouri depi kèk semèn sou posibilite pou Bolsonaro ta tounen Brezil, kote gen plizyè ankèt ki santre sou li, pa rapo ak revolt kont entsitisyon leta yo, ke patizan li yo te komèt.
