Yon tanpet nej frape vil Washington, Lendi 3 Janvye 2022.
Bliye Afè Lekòl, Travay, Vwayaj - Tout Bagay Fèmen Paske Nèj Kouvri Washington
WASHINGTON —
Yon tanpèt ivè lage nèj sou wout kapital Etazini an, Washington. Biwo leta fèmen, ansanm ak lekòl yo - elikoptè prezidansyèl la paka vole.
Gwo van soufle yon afè 10 pous nèj sou vil washington, rejyon nò eta Vijini epi rejyon santral eta Maryland.
Sèvis Meteyoroloji Nasyonal la lanse avètisman pou di yon tanpèt nèj ap kouvri zòn nan jiska 4 hè lè lokal.
Yon moun ap mache ak chyen ni pandan nej ap tonbe sou plas piblik nasyonal la nan Washington, 3 Janvye 2022.
Vwayaj deja yon tèt chaje pou otomobilis yo e plis pase 500,000 moun san kouran.
Plis pase mwatye vòl ayeryen ki te planifye pou jodi Lendi a anile nan 3 prensipal ayewopò vil Washington yo.
Prezidan Joe Biden te oblije pran machin prezidansyèl la pou vwayaje soti Baz Ayeryen Andrews la ki sitye nan yon banlye nan eta Maryland, pou tounen Lamezonblanch.
Photo Gallery:
Washington Tou Blan Akoz Yon Tanpèt Nèj
Vil Washington tou blan Lendi 3 Janvye a apre yon tanpèt nèj kouvri vil la epi fèmen biwo leta, lekol ak kèk komès. Sepandan, sa pat anpeche moun yo jwi premye tanpèt ivè ane a.
