Nan yon diskou Prezidan Joe Biden fè La Mezon Blanch pou l te inogire yon somè vityèl sou demokrasi avèk patisipasyon lidè divès peyi, li rekonèt ke Lèzetazini dwe "batay san pran souf pou l kore demokrasi lakay li " .
Vrèmanvre, Prezidan Biden rekonèt pwen fèb pwòp peyi li nan domèn demokrasi a nan moman Lèzetazini ap òganize yon somè sa a ki rasanble divès lidè mondyal, dirijan sektè prive ak sosyete sivil. Objektif prensipal somè sa a –k ap pran fen vandredi 10 desanm nan- se “prepare yon ajanda afimatif pou renouvo demokrasi yo gras ak yon aksyon kolektif.”
