Madi 11 jen 2019 la, depite ak senatè yo pat prezan nan palman an apre yo te deja rate fèmti sesyon ekstraòdinè a epi louvri 2èm sesyon òdinè lendi 10 jen an.
Yon lòt kote, 20 depite ki reklame tèt yo manm opozisyon an ekri prezidan Gary Bodeau pou mande l òganize yon seyans pou kòmanse pwosedi pou yo akize prezidan Jovenel Moise epi pou Sena a jije l pou retire l sou pouvwa a.
Siyatè lèt la menase pou retire Prezidan Bodeau nan tèt chanm nan si l pa fè egzekite demand la yo te deja fè nan mwa fevriye pase a. Dapre konstitisyon an yon majorite 2 tyè nesesè pou akize prezidan an pou krim de wot trayizon ou byen tout lòt krim li ta komèt pandan li sou pouvwa a.
