Madi 16 mas 2021 an, jounalis sal nouvèl Lavwadlamerik k ap kouvri Depatman Deta a, Cindy Spang, te poze potpawol Depatman Deta kesyon konsènan anons la Russie fè sou entansyon l pou l ede Ayiti retabli stabilite politik lakay li.

Men repons Depatman Deta a:

"Ebyen, yon fwa ankò, m ap tou senpleman ensiste sou angajman nou vizavi pèp ayisyen an. Lèzetazini toujou gen angajman pou l ede pèp asyisyen an bati yon pi bèl avni. An janvye 2021, nou te anonse yon asistans 75 milyon 500 mil dola ki pou sèvi nan divès domèn –pami yo gen gouvènans demokratik, sante, edikasyon avèk devlopman agrikòl."