Lapolis dominiken arete e retounen ann Ayiti Clairjeune Juste Chandoux ki akize kòm prezime asasen jounalis Nehemie Joseph ki t ap travay nan Radyo Panic FM nan Mirbalè 10 Oktòb 2019 dapre deklarasyon komisè gouvènman Mirbalè a Elione Saint Fleur.
Prezime asasen an trouve l nan Direksyon Santral Polis Jidisyè a kote l reponn kesyon otorite yo. Komisè Saint Fleur di li te mete yon manda damne kont akize a ke lapolis domininkèn arete nan Punta Cana. Enfòmasyon ki disponib yo fè konnen akize a, Clairjeune Juste Chandoux, t ap travay kòm sekirite nan palman ayisyen an.
Ayiti-Koripsyon:
Sèvis imigrasyon arete vandredi pase Kerbi Alcantara, k ap travay nan anbasad ayisyen an nan Repiblik Dominikèn e renmèt li bay Unite de Lutte kont La Coruption anba akizasyon fo e uzaj de fo. ULCC te deja transfere prevni an devan tribinal anba menm akizasyon yo men tribinal la te libere l.
