Minis Ayisyen kap viv aletranje a te patisipe nan yon konferans ke Koalisyon Pwofesyonèl Ayisyen-Ameriken te òganize, madi 29 janvye 2019la , ak kolaborasyon Chanm Komès Ayisyano-Ameriken, Asosyasyon enfimyè, enjenyè, avoka, Family Action Network Mouvman (ann abreje FANM), elatriye.
Minis Marnatha Ternier te ensiste sou yon politik gouvènman ayizyen an pou l patisipe yon jan pi aktif nan lavi diaspora a, pou l pran lide moun yo nan diaspora a sou jan li ka vin pi fasil pou ayisyen yo mennen tranzaksyon ann Ayiti, e pou l fè yo konnen pa gen ayisyen deyò ak ayisyen andedan, e ke Ayiti se peyi tout Ayisyen kèlkeswa kote yo ye.
Serge F Michel te tande minis la, te fè l pase an dirèk sou Facebook, e te pale ak li. Serge te pale tou ak Depite nan palman eta Florid, Ayisyèn-Amerikèn Dottie Joseph, ak ansyen depite nan palman eta a, Daphnee Campbell.
Klike sou video a ki anlè tèks la pou w gade entèvyou a.
Serge F Michel te pale tou ak avoka Soeurette Michel ki baze nan Miami, e ki se manm Asosyasyon Nasyonal pou Avansman Pwofesyonal Ayisyen, ki gen ti non ann angle NAAHP. Avoka Soeurette Michel di Ayiti sou labòn vwa ak kreyasyon ministè ayisyen kap viv aletranje yo.
Klike sou video a pou plis detay.
