Anviron 5 jou aprè demisyon li nan tèt delegasyon Nodwès la, agronòm Owell Theock deklare se paske li vle sove lonèl ak respèl ki fè li pwan dezisyon sa a. Agwonòm nan kritike Prezidan Jovenel Moïse ki di li te bal divès travay ki pa rive fèt nan depatman aloske li pat gen okenn moyen nan men l pou sa.
Sepandan enfomasyon kap sikile nan koulya rezo sipòtè Prezidan Jovenel Moïse nan depatman Nòdwès la ta fè kwè se akoz ansyen reprezantan egzekitif la nan nòdwès ta plis ap travay an favè kouzen li Senatè Kedlaire Augustin sa ki ta lakoz prezidan repiblik la pa ta twò danse kole ak li.
Nan yon entèvyou li akòde Lavwalamerik 13 desanm 2018 ansyen delegue depatmantal nòdwès la agwonom Owell Theoc rakonte pouki rezon li remèt demisyon l.
Nan dat 3 desanm 2018 pase a, Delege depatmantal Nòdwès la, Agwonòm Owell Theock nan tèt kole ak direktè depatmantal TPTC a te lanse ofisyèlman yon pwojè renovasyon vil Pòdpè a kap koute 112 milyon goud, yon lajan ki te deja disponib pou ekzekisyon pwojè sa yo. https://www.voanouvel.com/a/milyon-deja-disponib-pou-ekzekisyon-kek-pwoje-asenisman-nan-podepe/4691244.html
