Blinken te pale nan telefòn lendi a ak tokay li yo nan 9 peyi nan rejyon ès l'OTAN yo, gwoup ki rele Bucharest 9 la, kote li di Etazini angaje pou-l fè "konsiltasyon sere ansanm ak bon jan kòdinasyon ak tout alye nou yo sou 2 bò Oseyan Atlantik la ak tout patnè nou yo pandan n ap travay pou kalme tansyon an, dekouraje agresyon, nan defans e nan dyalòg," dapre sa pòtpawòl Depatman D'eta Ned Price di jounalis yo.
Blinken Pale ak Alye LOTAN yo sou Rasanbleman Militè La Risi ap Fè Arebò Fwontyè Ikrèn
Sekretè D'eta Etazini Anthony Blinken pale ak alye l'OTAN yo lendi a sou rasanbleman militè LaRisi ap fè arebò fwontyè Ikrèn nan, e Msye Blinken mande pou peyi manm l'OTAN yo mete ansanm pou yo pran yon pozisyon ini.
