Alex Jones yon Ameriken ki pwopaje nan medya teyori konspirasyon deklare li konprann kounyea jan li te iresponsab le li te deklare masak lekol primè Sandy Hook la te fo e ke kounye li kwè sete "100% verite".
Yon juri nan Austin, eta Texas komanse deliberasyon Mèkredi sou kijan misye ki se animatè pwogram Infowars la ta dwe peye paran timoun ki te mouri nan fiziyad sa a ki te dewoule an 2012 nan vil Newtown, eta Connecticut.
Temwayaj nan pwosè a te fini ak deklarasyon Jones te fè kote li di manm juri a ke nempot ki konpansasyon ki plis pase $2 milyon dola ta kraze konpayi li a, ki gen katye jeneral li nan Texas.
Jones admèt tou li te an to lè li te pwopaje manti komkwa masak la pat janm fèt.
Paran timoun yo, ki asiyen Jones, te temwaye devan tribinal la Madi, pou di mande ekskiz pa ase, e ke fok yo egzije Jones pran responsabilite pou sa'l fè a.
Paran yo mande omwens $150 milyon dedomajman.
