Jimmy Désir, 46 lane, ki soti nan Miramar, Florid, te jwenn arestasyon n sou baz yon akizasyon ki chaje l ak 22 ka kote li te ede prepare fo deklarasyon taks, ak manti li menm li te prezante bay IRS atravè biznis preparasyon taks li a, A1 Plus Financial Services, Inc., ki chita nan North Miami Beach, Florid.
Dapre akizasyon an, pandan plizyè ane, Désir te entansyonèlman mete fo enfòmasyon sou deklarasyon taks kliyan li yo, tankou fo kredi taks sou gaz, fo kredi edikasyon, ak Fòm C fo ki montre pèt biznis ki pa egziste, tout sa pou li te ka ogmante ranbousman kliyan li yo epi pou li te kapab chaje yo plis frè preparasyon taks. Pèt revni IRS la estime a plis pase $2 milyon.
Pwokirè ameriken Hayden P. O’Byrne pou Distri Sid Florid akAjan Espesyal-an-Chèf Emmanuel Gomez nan Biwo IRS Criminal Investigation nan Miami te fè anons la.
IRS CI ap mennen ankèt sou ka a. Asistan Pwokirè Ameriken Aimee Jimenez ap pouswiv dosye a.
Yon akizasyon pa vle di akize a koupab. Lajistis konsidere tout akize kòm inosan jiskaske yo jwenn yo koupab san okenn dout rezonab nan yon tribinal.
