Yon avoka gouvènman Ameriken an mande yon jij federal pou l transfere dosye legal ki gen rapò ak detansyon Mahmoud Khalil nan New Jèrze oswa Lwizyann.
Demann lan fèt Mèkredi pandan yon odisyon nan Nouyòk.
Khalil se yon etidyan ki gradye nan inivèsite Columbia ke administrasyon Trump la ap eseye depòte akoz wòl li te jwe nan manifestasyon pwo-Palestinyen nan lekòl la ane pase a.
Khalil se yon rezidan legal peyi Etazini. Li marye ak yon sitwayen Ameriken.
Apre arestasyon etidyan an ki gen 30 an wikèn pase a, Jij Jesse M. Furman nan Nouyok, pase lòd pou yo pa depòte Khalil ann atandan tribinal la konsidere dosye legal avoka li depoze.
