Prezidan Ameriken an te pwofite voye yon mesaj sou fòm envitasyon bay popilasyon teritwa otonòm Danmak la. Li di:
“Bon travay, e mwen gen yon mesaj tou aswè a pou moun ekstrawòdinè Greenland yo. Nou sipòte ak tout fòs dwa ou pou detèmine pwòp avni ou epi, si ou vle, nou di w byenvini Etazini".
Nou bezwen Greenland pou sekirite nasyonal e menm entènasyonal, epi n ap travay ak tout moun ki enplike pou eseye jwenn li, men nou reyèlman bezwen li pou sekirite mondyal la. E mwen panse ke nou pral jwenn li. Nenpòt jan an, nou pral jwenn li. Ou pral toujou gen sekirite. Nou pral fè ou rich, epi ansanm nou pral fè Greenland rive yon kote ou pat janm panse te posib. Sa a se yon ti popilasyon, men yon gwo moso tè, ki vrèman enpòtan pou sekirite militè.
Se mesaj sa prezidan Donald Trump voye bay pèp Greenland nan, nan premye diskou politik jeneral li depi li retounen sou pouvwa 20 janvye a.
Depi fen mwa desanm Greenland te nan vizè prezidan Trump, ak dezi li repete reyini pi gwo zile Atik la ak Etazini. Eleksyon lejislatif yo pwograme nan Danmak 11 mas kap vini la.
