Administrasyon Trump la di lap elimine plis pase 90% kontra asistans etranje Ajans Ameriken pou Devlopman Entenasyonal yo ak $60 milya dola asistans Etazini ap bay toupatou nan mond lan.
Enfomasyon sa a nan yon memo entèn ke Associated Press obteni epitou dokiman legal ki depoze Mèkredi.
Yo detaye rezilta yon revizyon 90 jou Prezidan Donald Trump fè sou tout lajan USAID ak Depatman d Eta bay pou devlopman ak asistans nan peyi etranje.
Mezi a kite USAID ak kèk pwojè sèlman ke moun ki apiye ajans la ap eseye sove nan batay legal yap mennen nan tribinal.
Pandansetan, Kou Siprèm Etazini bloke pwovizwaman Mèkredi lod yon jij pase ki mande administrasyon an debloke plizyè milya dola asistans etranje.
