Yon jij federal nan vil Seattle bloke tantativ Prezidan Donald Trump pou l sispann sistem pou kite refije antre Ozetazini.
Desizyon an vini Madi nan kad yon pwosè kèk gwoup asistans pou refije te mennen pou konteste dekrè ki sispann pwogram retablisman federal pou refije a. Kongrè a te tabli pwogram sa a pou deplase refije epi mennen yo Etazini.
Avoka administrasyon an te plenyen pou di dekrè Trump la ann ako ak pouvwa li genyen pou l anpeche etranje antre Etazini si li kwè "li pa nan enterè Etazini" pou fè sa.
Pwogram refije federal la egziste depi plizyè dizèn lane e li ede moun ki kouri kite peyi yo akoz lagè, yon dezas natirèl oswa pèsekisyon.
