Premye deklarasyon yo tanmen Vandredi nan pwosè rapè A$AP Rocky nan Los Angeles. Yo akize l dèske li te tire yon ansyen zanmi li.
Yon avoka akizasyon montre manm juri a Vandredi, yon seri videyo ke li di yo te filme le mesye yo te asanm pou montre klèman ke se Rocky ki te tire fizi a sou twotwa Hollywood la an 2021.
Vedèt hip-hop la plede non-koupab pou 2 akizasyon kriminèl dèske li te tire yon zam a fe semi-otomatik.
Avoka li di juri a nan deklarasyon ouvèti li ke nèg ki akize kliyan li se yon rival ki jalou e ki bay manti sou ensidan an pou egzije Rocky peye l lajan.
