Trump di "ou pa ka genyen pwoteksyon pou lavi."
Bolton, ki gen 76 an, te travay nan Mezon Blanch pandan premye manda Donald Trump la. Li te sib plizyè swadizan konplo asasina iranyen. Bolton di "li pa renmen desizyon prezidan an, men sa pa etone l".
Nan konvèsayon Trump te gen ak jounalis yo nan Mezon Blanch la, li te defann desizyon an, li lage gwo pawòl piman bouk kont ansyen konseye li a, li di misye se yon “moun entatad” e "yon egare".
"Nou pa pral bay moun sekirite pou tout rès lavi yo. Poukisa nou ta dwe fè sa?". "Ou pa ka gen sekirite pou lavi."
Prezidan an te revoke tou otorizasyon Bolton te genyen ak dosye klasifye ke Bolton genyen. Trump di Bolton te sèvi ak "enfòmasyon sansib li gen nan men l pandan premye manda li a" pou ekri yon liv li te pibliye an 2020.
