Sekretè Deta Marco Rubio di nouvo anplwaye li yo depatman yo a pral pwomouvwa lapè toupatou nan mond la:
" San lapè, li difisil pou gen yon peyi ki puisan, pwospèr e miyò."
Men evite konfli ap yon desizyon estratejik:
"Nou pap janm riske sekirite nasyonal nou, ni enterè nasyonal nou e nou pap janm bliye prensip de baz nou antanke nasyon ak pèp."
Rubio te rankontre tou ak minis afè etranje End, Ostrali ak Japon. 4 peyi sa yo fome Diyalog Sekirite Kwadrilateral la- ou QUAD.
Se yon blok ki vize kontre anbisyon ekonomik ak militè Lachin nan rejyon Endo-Pasifik la.
Rankont madi a soulaje kèk nan kè sote moun te genyen sou apwoch Amerik an Premye Prezidan Donald Trump la.
Yun Sun, se Chèf Pwogram Lachin Sant Stimson:
" Se yon siy klè ki montre Etazini pa abandone alye ak kowalisyon epi patnè rejyonal yo kanta fason yo kapab kontrekare puisans Lachin."
Peken denonse QUAD la kòm yon relik Gè Fwad la.
Yun Sun:
"Nempot ki lè Etazini aliye ak alye li oswa patnè, Lachin santi l izole, menase e li akize Etazini dèske li gen mantalite epok Gè Fwad la."
Analis la souliyen modènizasyon Lachin ak ekspansyon militè ak nikleyè li ki pral kontinye, lakoz peyi nan rejyon an ranfose lame pa yo epi chache rapwoche yo ak Etazini.
Jounalis VOA News Veronica Balderas Iglesias ekri vesyon orijinal repotaj sa a
