Premye pap nan listwa ki soti nan Amerik Latin nan te reponn kesyon yo te poze l sou pwomès ekspilsyon administrasyon Trump la te fè pandan yon aparisyon li dimanch swa nan yon pwogram ti koze nan televizyon italyen ki trè popilè e ki rele “Che Tempo Che Fa”.
Pap la di afè voye moun tounen nan peyi yo an mas se pa yon fason pou rezoud pwoblèm imigrasyon an.
Pandan premye kanpay Donald Trump pou prezidans la, an 2016, yo te poze pap François kesyon sou plan Trump te genyen pou l konstwi yon miray sou fwontyè Etazini ak Meksik.
Li te reponn pou l di : nenpòt moun ki bati yon miray pou kenbe imigran yo deyò, moun sa a "pa kretyen."
