Yon seri vedèt tankou Kid Rock, atis country Jason Aldean ak Carrie Underwood vwayaje Washington pou pèfòme nan divès evenman a l okazyon envestiti prezidansyèl la, kap kòmanse wikèn sa a.
Mèkredi, Komite Inogiral Trump Vance la devwale lis pi fò atis yo - pami yo gwoup Rascal Flatts, chantè Billy Ray Cyrus epi Gavin DeGraw.
Pami evenman yo planifye gen seremoni ofisyèl prestasyon sèman an, yon miting politik anba tèm "Make America Great Again" (rann Etazini gran ankò), epi twa bal ki va dewoule Lendi swa.
Preparasyon pou Seremoni Envestiti Donald Trump
Preparasyon ap fèt depi kèk jou pou seremoni envestiti Prezidan-eli Donald Trump nan Washington. Men yon apèsi kijan sa dewoule.
Pami lòt vedèt ki sou lis la, nou jwenn chantè Lee Greenwood, gwoup Village People, epi chantè opera Christopher Maccio.
