Tout manm "cabildo" (konsèy vil la), san wete youn, te apwouve mezi a lendi aswè.
Tijuana se yon vil ki gen anpil Meksiken ak etranje ki gen entansyon travèse fwontyè a pou antre Ozetazini.
Mezi sa a met ase lajan disponip pou fè fas ak yon "sitiyasyon ki pa nòmal" si nouvo prezidan ameriken an byen vit aplike menas ekspilsyon an mas etranje ki pa gen papye sou tèritwa ameriken an.
Trump te pwomèt pandan kanpay prezidansyèl li pou l deklare yon eta dijans Ozetazini e pou l mobilize lame peyi a pou kwape etranje ki san papye osito li retounen nan Biwo Oval la.
Plan otorite meksiken yo gen ladan lwe espas pou mete kanpe yon sant resepsyon, sèvis legal, ak aksè entènèt.
Majistra Tijuana a, Ismael Burgueño, te di pandan reyinyon an, otorite lokal yo gen entansyon "garanti" "tretman diy" pou "frè nou, migran yo".
