Kongrè Etazini sètifye Prezidan-eli Donald Trump kòm kandida ki ranpòte eleksyon prezidansyèl 2024 la san okenn defi pat poze.
Se yon gwo diferans ak sak te pase an 2021 lè zak vyolans te dewoule andedan Kongrè a epi menase pou kanpe pwosesis sètifikasyon an.
Palmantè yo te rasanble anba gwo mezi sekirite pandan gwo nèj tap tonbe pou sètifye vòt la. Yo te li rezilta vwa elektoral chak eta rapidman.
Tibilans 6 Janvye 2021 an te jete yon lombraj sou pwosesis ki te dewoule Lendi a kote Repibliken ki te eseye ranvèse rezilta eleksyon sa a tap retounen yon fason lejitim sou pouvwa a.
Nan moman palmantè yo te rasanble sekirite nasyonal la te sere anpil.
Tout moun te sonje sak te pase nan menm bilding sa a, sa gen 4 an desa lè Trump te pèdi eleksyon an epi voye yon foul patizan li yo nan Kongrè a pou "goumen kou mèt jan jak".
