Yon responsab fè konnen Premye Minis Kanadyen Justin Trudeau gen entansyon anonse demisyon li.
Nouvèl la tonbe nan moman misye ap fè fas ak anpil mekontantman pa rapò ak lidèship li apre depa sanzatann minis finans li - sak te siyale tibilans nan mitan gouvènman an.
Responsab la di Trudeau pral kontinye travay kòm premye minis jiskaske yo chwazi yon nouvo lidè pou pati Liberal la.
Responsab la pale ak Associated Press sou kondinsyon pou yo pa site non li, akoz li pat gen otorizasyon pale piblikman anvan anons ofisyèl la pi ta jodi Lendi a.
Li poko klè kilè yap òganize eleksyon nasyonal pou chwazi yon ranplasan pèmanan.
Trudeau te monte sou pouvwa a an 2015 apre Pati Konsèvatè a te pase 10 zan ap dirije Kanada.
Nan kòmansman manda li, moun te chante lwanj Trudeau paske li te re-enstale yon gouvènman liberal nan peyi a.
