MAPUTO, Mozanbik (AP) — Vyolans eklate nan peyi Mozanbik sou kontinan afriken an apre pi gwo tribinal nan peyi a te konfime kandida prezidansyèl pati ki sou pouvwa a, Daniel Chapo, kòm gayan eleksyon 9 oktòb la, yon rezilta ki te soulve gwo boulveès nan peyi a. Pou pi piti 21 moun, ladan 2 ofisye lapolis, nan deblozay ki eklate apre rezilta yo.
Minis Enteryè Mozanbik la, Pascoal Ronda, te deklare nan yon konferans pou laprès, nan Maputo Madi 24 desanm nan, vag vyolans ak piyaj nan peyi a te rive apre tribinal la te fin konfime rezilta eleksyon yo.
Ronda kontinye te pou l di zak deblozay sa yo se sitou jèn sipòtè kandida pèdan Venancio Mondlane ki ap fè yo. Mesye Mondlane te resevwa 24% vòt nan sifraj elektoral la kote li fini an dezyèm pozisyon dèyè mesey Chapo, ki li menm te resevwa 65% vòt yo.
