Nan yon entèvyou li t ap bay jounal Le Nouvelliste mèkredi 11 desanm 2024 la, Jesús Cisneros ki se « Chargée d’affaires » peyi Meksik nan Pòtoprens revele gen anviwon 100 mil Ayisyen k ap viv Meksik aktyèlman.
Diplomat la fè konnen ane pase sèlman te gen plis pase 9000 Ayisyen ki te mande azil nan peyi Meksik. Li kontinye pou l di se ensekirite a ki lakoz tout Ayisyen sa yo ap viv Meksik nan moman an menmsi gen nan yo se pa t sa yo te prevwa fè. Jesús Cisneros di tou gen anpil nan moun sa yo ki deja f on pakèt bann wout difisil avan yo resi rive nan peyi Tacos la.
Daprè Jesús Cisneros, lalwa meksikèn prevwa yon pwogram pou pèmèt fanmi ayisyèn yo reyini Meksik paske kominote ayisyèn nan pa sispann grandi lòtbò a. Nan sans sa a, l eksplike 90% nan demand viza yo ki fèt nan anbasad Meksik nan Pòtoprens, rantre nan kad pwogram sila a.
