Vedèt hip-hop Megan Thee Stallion mande yon tribinal pase lod pou anpeche rapè Tory Lanez trakase l. Rapez la di nan dosye li depoze devan tribinal Madi ke misye plede menase l malgre li fèmen nan prizon. Mamzèl di rapè a ap sèvi ak reprezantan li pou trakase l pandan lap pije yon santans prizon 10 zan apre la jistis te jwenn ni koupab deske li te tire l nan pye.
Dokiman legal la di misye pa montre okenn siy dèske li pral sispann arsèlman an.
Petisyon an mande Kou Siperyè Los Angeles la pou yon jij pase lod bay Lanez pou anpeche l eseye kranponnen l sou entènèt menm jan li te fè anvan li te antre nan prizon.
Avoka Lanez pa reponn demann Associated Press fè pou komantè sou kestyon an.
