Prezidan an, ki gen 79 lane, ka kontinye aktivite li yo, men li pral bezwen swivi avèk anpil atansyon pandan 15 pwochen jou yo epi li dwe rete nan Sao Paulo jiska jedi, jou li pral fè lòt egzamen, jan doktè kadyològ Roberto Kalil, youn nan doktè ki te pran swen Lula nan lopital Syro-Libanais Sao Paulo, te deklare nan konferans pou laprès la. Lula ap ka retounen Brazilia apre sa pou kontinye pwogram travay li. "Sèl restriksyon an se egzèsis fizik", doktè Kalil te di.
Doktè a te mete aksan sou sa pita nan yon entèvyou sou TV Globo, li te di "sa te ka pi grav".
Apre operasyon an ki fèt pou yon emoraji tou pre sèvo a ki te koze pa yon kou nan tèt li pandan li te tonbe, Lula te refè yon fason "ki depase anpil atant" doktè yo, doktè Ana Helena Germoglio, ki se yon lòt manm ekip medikal la, te deklare. "Pi gwo kè kontan mwen ak ekip la, se prezidan an ki sòti nan lopital".
Dirijan brezilyen an, yo konnen pou rit travay pasyone li, te fè yon aparisyon sanzatann kote konferans pou laprès la t ap fèt, li te mache san èd pou li al pran mikwo. "Mwen la toutantye (...) map tounen lakay", se sa Lula te di, abiye ak yon jakèt ak yon chapo kache sikatris operasyon li an.
Emoraji a sete konsekans aksidan nan kay li ki te rive 19 oktòb, lè Lula tonbe nan twalèt rezidans ofisyèl li nan Brasilia, epi frape dèyè tèt li. Depi lè sa a, yo te koud li, epi li te fè ekzamen regilye pandan plizyè semèn.
