Daprè sa plizyè medya nan depatman an rapòte gen pou piti 15 moun ki rive pèdi lavi yo, pami yo 2 tifi ak 2 ti gason. Genyen tou 10 kay ak 3 machin ki boule. Bandi yo kidnape tou plizyè dizèn moun.
Enfòmasyon sa yo rete pasyèl daprè sa ki di nan laprès paske tout mèkredi maten bandi yo ki te sou moto te kontinye ap simen latwoublay ak gwo zam manch long. Yo rapòte tou gen nan moun yo te kidnape yo, yo touye nan wout epi gen kadav yo dekouvri nan kèk kay.
Nouvèl atak sa a rive 3 jou aprè lapolis t anonse yo repran komisarya a Ti Rivyè Latibonit lan.
