Gouvènè ak palmantè nan eta Repibliken yo dirije ap lanse plan ki taka ede Prezidan-eli Donald Trump nan jefò li pou depòte plizyè milyon moun kap viv Ozetazini ilegalman.
Plizyè eta ap pwopoze pou yo bay lapolis pouvwa pou arete moun ki nan peyi a ilegalman.
Gen lòt pwojè lwa ke yo pwopoze anvan ane a fini ki ta mande pou ajans ranfòsman lwa yo notifye responsab imigrasyon federal yo lè yo arete yon moun ki nan peyi a ilegalman.
Sa ta aplike menm si akizasyon an pa gen anyen pou wè ak stati imigrasyon yo.
Kèk eta Demokrat yo dirije deja ap diskite sou kijan pou yo reziste kèk pami politik imigrasyon Trump yo.
