Rapè Jay-Z deklare akizasyon vyòl yo lanse kont li se yon tantativ eskwokri.
Pwosè a akize Jay-Z dèske li te vyole yon minè ansanm ak Sean "Diddy" Combs pandan yon fèt yo te oganize apre yon seremoni remiz pri sa gen prèske 25 an desa.
Sepandan rapè a, ki se yon loreya pri Grammy demanti ak tout fòs li, akizasyon sa a.
Pwosè a fè pati yon seri dosye legal kap peze sou do Combs kote yo akize l de vyòl. Misye ap tann dewoulman pwosè li pou akizasyon federal trafik sèks.
Yo te fè kèk chanjman nan pwosè a Dimanch pou ajoute non Jay-Z, kòm vedèt yo pat nomen ki te patisipe nan vyòl ki te dewoule pandan yon fèt apre seremoni remiz pri videyo MTV yo nan ane 2000.
Jay-Z deklare akizasyon sa yo "rayisab".
