Prezidan Joe Biden ap pwofite premye vizit li nan Angola - li se premye prezidan Ameriken ki janm vizite peyi sa a - pou l fè piblisite pou plizyè milya dola angajman Etazini pran vizavi peyi Afriken sa a.
Biden te pran la pawòl nan mize esklavaj Luanda a jodia.
Prezidan an di tokay Angolè li, Joao Lourenco ke Letazini apiye Afrik konplètman.
Lourenco bò kote pa li di vizit Biden nan kle e li make yon gwo chanjman nan relasyon ant 2 peyi yo.
Vizit la gen kòm bi pou kontre enfliyans Lachin sou kontinan Afriken an kote gen plis pase 1,4 milya abitan. Se poutèt sa Biden ap mete aksan sou angajman $3 milya Etazini pran pou re-devlope yon ray tren.
Sepandan Lachin anonse jodi Madi a, pwòp inisyativ pa li.
