Lame Etazini di li konstate kek ti dron kap sivole baz Ameriken genyen Angletè regilyeman depi 20 Novanm.
Nan baz sa yo gen Lakenheath kote Fos Konba Aviyasyon Amerikèn nan baze. Li se poto mitan fos konba Etazini an Ewop.
Pangaton nan di li pran ensidan sa yo o serye.
Majo Jeneral Patrick Ryder se potpawol Pentagon nan.
"Lidè enstalasyon an detèmine pou kounyea ensidan yo pa gen enpak sou baz la, entalasyon yo ni byen nou genyen nan baz sa yo. "
Angletè deplwaye apepre 60 solda ozalantou baz sa yo. Minis Defans Maria Eagle di yap itlize mezi pwoteksyon nan plizye nivo.
"Nou pral asire ke nou trennen devan la jistis nempot ki moun nou bare ap fe sa."
Lame Etazini di sivolans dron yo gen ladann aparey dives gwose ak pote. Ekspe sekirite dron David Dunn kwe sa montre yo fe ekspre.
"Sak pi kle a se ke yap eseye entewonp operasyon yo epi fose baz la opere diferaman pou sispann operasyon ayeryen yo."
Dunn di advese Etazini taka sevi ak dron yo pou lot objektif tankou rasanble ranseyman sou kantite avyon konba ki baze la. Moun we Dron yo tou ap sivole bilding ki abitre pesonel milite Ameriken.
"Pati pi vilnerab sistem la an gwo se ekipaj baz la. Donk si ou ka idantifye ki kote yo abite epi suiv yo lakay yo ou ka kase pati pi feb sistem nan. "
Jounal Times of London rapote otorite yo pa ekate posibilite pou Larisi deye zak la. Dunn di gen prev ki montre Moskou ap ogmante atak ibridi li yo - setadi yon stil lage non-milite ki ka detwi bagay kanmenm.
"Kitse koupe kab nan fon lanme, mete dife nan koli gen yon koli ki pran dife isit nan Birmingham kotem rete. Epitou genyen depo ki boule kote yo te sere materyo yap voye Ikren. Tipikman bagay konsa, ke yon twazyem pati fe endike Larisi anplwaye kriminel ann Anglete. "
Anbasad Larisi nan Lond pa reponn demann VOA fe pou komante. Moskou te demanti anvan sa lap lanse atak ibrid kont l Oksidan.
Korespondan VOA nan Lond, Henry Ridgwell ekri vesyon orijinal repotaj sa a
