Sezon Fet la ap derape vreman vre demen Jedi a ak yon parad gwo kokenn chann balon nan Nouyòk pou fet aksyon de gras la.
Pou dezyem ane, parad la pral tanmen a 8hè edmi, e moun ka suiv li sou chèn televizyon NBC.
Ou ka suiv li tou sou telefon ou atravè platfòm Peacock NBC a - yo va re-difize parad la a 2 zè nan apremidi si ou rate li a 8hè edmi.
Telemundo pral difize yon vèsyon espayòl parad la.
Gen yon dig dal vedèt kap patisipe ane sa a. Loreya pri Grammy, Oscar, Emmy ak Tony Jennifer Hudson pral pèfòme. Ap gen tou ikon pòp global Kylie Minogue epi loreya pri Tony, Grammy ak Emmy Billy Porter.
Valerio Saint Louis va ba nou yon apèsi parad la apremidi a nan Randevou.
