Chèf Kowalisyon "viv ansanm" nan deklare nan yon videyo k ap sikile sou rezo yo: "Lapolis anvayi m. Mwen pèdi 10 sòlda".
Nan videyo sa, Jimmy Cherisier fè konnen fòs lòd yo debake nan baz li ak 14 cha e 2 traktè pou eseye met men sou li.
Chèf kowalisyon an ajoute pou l di, polisye yo pa konn goumen, paske yo refize met pye yo atè pou batay ak li.
Selon jounal dominiken an Listín Diario, Jimmy Chérizier lanse yon pakèt pawòl piman bouk kont direktè jeneral lapolis la, Normil Rameau.
N ap fè sonje fòs lòd yo te tanmen depi weekend pase a yon operasyon gwo ponyèt anba Dèlma pou kwape bandi. Rezilta 2 manm Kowalisyon an, Ti Dyab ak Ti Chinay pèdi lavi yo nan twoke kout zam ak lapolis.
Sèvis kominikasyon PNH la te anonse Jimmy Chérizier, ki te prezan anba Dèlma nan moman operasyon an, te pran kouri pou l chape poul li.
Chèf Kowalisyon an te abandone yon zam Kalashnikov nan moman l t ap kouri a.
