Serge Laguerre te pase nan plizyè gwoup nan endistri mizikal ayisyen an. Ansyen tankou nouvèl jenerasyon. Pye bèf, Papash, Phantoms, Strings, Lakòl, Krezi Mizik, Konbeat, Bèl Plezi, Gabel ak Harmonik se kèk nan gwoup li te jwe. Talan li te genyen te pèmèt li kapab jwe nan plizyè rit, tankou konpa ak djaz.
Plizyè ansyen kolaboratè Serge Laguerre ki te gen ti non Sergo te salye memwa l sou entènèt la : Mac D chantè gwoup Harmonik lan ; Sanders Solon ansyen chantè Harmonik ki gen gwoup pa l kounya ki rele « Mood Band » ; tanbourinè Johnbern Thomas ; chantè gwoup Gabel la, Flav.